Ved teknisk etat er det ledig 1/1-stilling som branningeniør / leiar førebyggjande avdeling i brannvesenet.
Arbeidsoppgåver:
Brannsyn i særskilte brannobjekt og sakshandsaming/oppfølging, informasjon og opplæring, rådgjeving om branntekniske spørsmål i byggjesakshandsaming. Deltaking i brannberedskapsvakt og leiing av det brannførebyggjande arbeidet i kommunen kan bli tillagt stillinga.
Det kan i tillegg bli aktuelt med arbeidsoppgåver knytt til prosjektering og prosjektleiing av kommunaltekniske utbyggingsprosjekt avhengig av kvalifikasjonar og interesser hjå søkjar.
Kvalifikasjonar:
Relevant utdanning frå ingeniørhøgskule, primært brannteknisk studieretning eller tilsvarande tilleggsutdanning innanfor dette området, jf. krav i kap. 7 i forskrift om organisering og dimensjonering av brannvesen, erfaring frå brannførebyggande arbeid er ønskjeleg, men søkjar med annan relevant utdanning og bakgrunn kan også vere aktuell.
Løn etter avtale og tilsetjing på vanlege kommunale vilkår. Kontaktpersonar er teknisk sjef Elling Indresøvde, tlf. 70 01 76 02 eller avd.leiar Arne Runar Vik 70 01 76 07.
Søknad vedlagt kopi av vitnemål og attestar skal sendast:
Ulstein kommune
Personalkontoret
Postboks 143
6067 Ulsteinvik
Søknadsfrist 15. september 2007. |
